Í Gjábakkahrauni, austan Þingvalla, eru margir spennandi hellar. Hellaferð á þessum slóðum hentar vel sem viðbót við ‘Gullna hringinn' svokallaða. Svo er hellirinn einnig nálægt Adrenalíngarðinum á Nesjavöllum.

Gjábakkahellir er hluti af geysimikilli hrauná sem rann neðanjarðar í síðasta gosi á Þingvöllum. Hellirinn er stór en nokkuð seinfarinn. Leiðarlýsingin er álíka dularfull og ferð á annað tilverustig: "Þið haldið eftir löngum dimmum göngum þar til þið sjáið bjart, hvítt ljós framundan".

Ónefndur starfsmannastjóri sem fór í þessa ferð með fyrirtæki sínu sagði að ferðin um Gjábakkahelli kæmi oft upp í hugann þegar unnið væri að krefjandi verkefnum hjá fyrirtækinu. "Fyrst við réðum við Gjábakkahelli, -þá förum við nú létt með þetta...” varð honum að orði.

Komdu með og sjáðu ljósið!   - Það kemur að notum síðar.